ಸಲಹೆ

*ಮೊಳಕೆ ಕಟ್ಟಿದ ಹೆಸರು ಕಾಳನ್ನು ದಿನವೂ ಸೇವಿಸುತ್ತಿದ್ದರೆ, ಬಲವರ್ದನೆಯಾಗುತ್ತದೆ.

* ಕಿತ್ತಳೆ ರಸವನ್ನು ಸೇವಿಸಿದರೆ ಬಾಯಾರಿಕೆ ಕಡಿಮೆಯಾಗುತ್ತದೆ  ಮತ್ತು ಶಕ್ತಿ ,ಚೈತನ್ಯ  ಉಂಟಾಗುತ್ತದೆ.
* ಚರ್ಮದಲ್ಲಿ ತುರಿಕೆ, ಕಜ್ಜಿಗಳದಾಗ  ಬೇವಿನ ಎಣ್ಣೆಯನ್ನು ಹಚ್ಚಿದರೆ ಗುಣವಾಗುತ್ತದೆ.
*ಇಂಗನ್ನು ಕೊಬ್ಬರಿ ಎಣ್ಣೆಯಲ್ಲಿ ಅರೆದು ಹಣೆಗೆ ಹಚ್ಚಿದರೆ, ತಲೆ ನೋವು ಕಡಿಮೆಯಾಗುತ್ತದೆ.ಕೀಲು ನೋವಿಗೂ ಇದನ್ನು ಹಚ್ಚಿದರೆ ನೋವು ಕಡಿಮೆಯಾಗುತ್ತದೆ.
 *ಎರಡು ಬಾದಾಮಿ, ಎರಡು ಗೋಡಂಬಿ, ಒಂದು ಅಂಜೂರ, ನಾಲ್ಕು ಒಣ ದ್ರಾಕ್ಷಿ ಹಾಲಿನಲ್ಲಿ ನೆನಸಿ, ನಂತರ ಅರೆದು
   ಸಕ್ಕರೆ ಬೆರಸಿ ಕುಡಿದರೆ ದೇಹದ ತೂಕ ಹೆಚ್ಚುತ್ತದೆ, ಬಲ ರಕ್ತ ವ್ರದ್ದಿಯಾಗುತ್ತದೆ.
 * ಹಾಲಿನ ಕೆನೆ ಅರಿಶಿನ ಪುಡಿ, ಕಡಲೆ ಹಿಟ್ಟು ಇವನ್ನು ಬೆರಸಿ ಮುಖಕ್ಕೆ ಲೇಪಿಸಿ, ಮಾಲಿಶ್ ಮಾಡಬೇಕು. ಅರ್ದ ಗಂಟೆಯ ನಂತರ ಮುಖ ತೊಳೆದರೆ ಚರ್ಮ ಮೃದು ಹಾಗು ಕಾಂತಿಯುತವಾಗುತ್ತದೆ.
 * ಪ್ರತಿನಿತ್ಯ  ಕಿತ್ತಳೆ ಸೇವಿಸಿದರೆ ರೋಗ ನೀರೋಧಕ  ಶಕ್ತಿ ಹೆಚ್ಚುತ್ತದೆ.

* ಟೈಫಯಿಡ್ , ಕ್ಷಯ ರೋಗಿಗಳಿಗೆ  ಮೋಸಿಂಬೆ ಹಣ್ಣು  ಒಳ್ಳೆಯದು.

* ಹಾಲು ಮತ್ತು  ಪೋಪಾಯಿ ಹಣ್ಣನ್ನು ಸೇವಿಸಿದರೆ ನರಗಳಿಗೆ ಶಕ್ತಿ ಬರುತ್ತದೆ. 

* ಬೆಳ್ಳುಳ್ಳಿ ಯನ್ನು  ನಿತ್ಯವು ಆಹಾರದಲ್ಲಿ ಸೇವಿಸಿದರೆ ರೋಗನಿರೋಧಕ ಶಕ್ತಿ ಹೆಚ್ಚುತ್ತದೆ. 

* ತುಪ್ಪದಲ್ಲಿ  ಹುರಿದು ಬೆಳ್ಳುಳ್ಳಿಯನ್ನು ಸೇವಿಸಿದರೆ ಜಠರದಲ್ಲಿ ವಾಯು ಸೇರುವುದಿಲ್ಲ,ಗ್ಯಾಸ್ ಟ್ರಬಲ  ಕಡಿಮೆಯಾಗುತ್ತದೆ. 

*ಬೆಳ್ಳುಳ್ಳಿಯನ್ನು ನಿತ್ಯ ಸೇವನೆ ಕ್ಷಯರೋಗದಲ್ಲಿ ರೋಗಿಯ ಕ್ಷಮತೆಯನ್ನು ಹೆಚ್ಚಿಸುತ್ತದೆ.ಗುಣವಾದ ಕ್ಷಯ ರೋಗಿಗಳು 

  ಉಪಯೋಗಿಸಿದರೆ ಮತ್ತೆ ಕ್ಷಯ ರೋಗ ಮರುಕಳಿಸುವುದಿಲ್ಲ.

* ತೂಕ ಕಡಿಮೆಯಾದ ಕ್ಷಯ ರೋಗಿಗಳು ನಿತ್ಯವೂ ಒಣದ್ರಾಕ್ಷಿ, ಅಂಜೂರ, ಜೇನು,ಸಕ್ಕರೆ ತುಪ್ಪವನ್ನು ಬೆರಸಿ ಸೇವಿಸಿದರೆ ತೂಕ ಹೆಚ್ಚಾಗುತ್ತದೆ.

*ಸಿಪ್ಪೆ ಸಹಿತ ಸೇಬನ್ನು ತಿಂದು, ಹಾಲು ಕುಡಿದರೆ ಮಲಬದ್ದತೆ ನಿವಾರಣೆಯಾಗುತ್ತದೆ.

* ಕರಿಬೇವನ್ನು ಅರೆದು ಅದನ್ನು ತೆಂಗಿನ ಎಣ್ಣೆಯಲ್ಲಿ ಹಾಕಿ ಕುದಿಸಬೇಕು, ಆರಿದ ನಂತರ ಸೋಸಬೇಕು. ಈ ಎಣ್ಣೆಯನ್ನು ಕೂದಲಿಗೆ ಹಚ್ಚಿದರೆ ಕೂದಲು ಸೊಂಪಾಗಿ ಬೆಳೆಯುತ್ತದೆ.ಕೂದಲು ಬಲು ಬೇಗನೇ ನೆರೆಯುವುದಿಲ್ಲ.

* ಹಸಿ ಕೊತ್ತಂಬರಿ ಸೊಪ್ಪನ್ನು ಜಗಿಯುತ್ತಿದ್ದರೆ ಬಾಯಿಯ ದುರ್ಗಂದ ದೂರವಾಗುತ್ತದೆ.

* ಅನಾನಸ್ ಹಣ್ಣಿಗೆ ಕರಿಮೆಣಸಿನ ಪುಡಿ ಯನ್ನು ಹಾಕಿ ಸೇವಿಸಿದರೆ, ಕೆಮ್ಮು ಕಫಾ ಕಡಿಮೆಯಾಗುತ್ತದೆ.

* ಸಿಹಿ ಅನಾನಸು ಹಣ್ಣಿನ ರಸ ಸೇವಿಸಿದರೆ ಪಚನಶಕ್ತಿ ಹೆಚ್ಚಾಗುತ್ತದೆ. ಧೂಮಪಾನದ ದುಷ್ಪರಿಣಾಮಗಳು ಕಡಿಮೆಯಾಗುತ್ತದೆ.
* ತಲೆ ಹೊಟ್ಟಿಗೆ: ಮೆಂತೆ ಯನ್ನು ನೀರಿನಲ್ಲಿ ನೆನೆ ಹಾಕಿ ಅರೆದು ತಲೆಗೆ ಹಚ್ಚಿ, ಅರ್ದ ಗಂಟೆಯ ಬಳಿಕ ಸ್ನಾನ ಮಾಡಿ. ಇದರಿಂದ
   ತಲೆ ಹೊಟ್ಟು ಕಡಿಮೆ ಯಾಗುತ್ತದೆ.
* ನಿಂಬೆ ರಸ, ಜೇನುತುಪ್ಪ ವನ್ನು ಖಾಲಿ ಹೊಟ್ಟೆಯಲ್ಲಿ ಸೇವಿಸುವುದರಿಂದ ದೇಹದ ಕೊಬ್ಬು ಕರಗುತ್ತದೆ.