ಸೋರೆಕಾಯಿ ಕೊದ್ದೆಲ

                                               ಸೋರೆಕಾಯಿ

 
 ಕೊದ್ದೆಲ ಮಾಡಲು ಬೇಕಾಗುವ ಪದಾರ್ಥಗಳು:
  
 ಒಂದು ಸಣ್ಣ ಗಾತ್ರದ ಸೋರೆಕಾಯಿ -ಸಿಪ್ಪೆ ತೆಗೆದು ಹದ ಸೈಜಿನ  ತುಂಡುಗಳನ್ನಾಗಿ ಮಾಡಿಟ್ಟುಕೊಳ್ಳಬೇಕು.
 ತೊಗರಿ ಬೇಳೆ - ಒಂದು ಸಣ್ಣ ಕಪ್

 ಕಾಯಿತುರಿ     -  ಒಂದು  ಹೋಳು.

 ಹುರಿದ ಒಣಮೆಣಸು -    ಆರು ಅಥವಾ ಎಂಟು 
 ಹುಣಸೆ   -ಸ್ವಲ್ಪ
 ಬೆಲ್ಲದ ಪುಡಿ  - ಒಂದು ಸಣ್ಣ ಚಮಚ
 ಉಪ್ಪು 
ಒಗ್ಗರಣೆಗೆ : ತೆಂಗಿನ ಎಣ್ಣೆ , ಒಂದು ಜಜ್ಜಿದ ಬೆಳ್ಳುಳ್ಳಿ ಗೆಡ್ಡೆ.

 ಮಾಡುವ ರೀತಿ:

ಸೋರೆಕಾಯಿ ತುಂಡುಗಳ್ಳನ್ನು ತೊಗರಿ ಬೇಳೆಯೊಂದಿಗೆ ಬೇಯಿಸಿಟ್ಟಿಕೊಳ್ಳಬೇಕು.
ಕಾಯಿತುರಿ ,ಹುರಿದ ಒಣಮೆಣಸು,ಹುಣಸೆಹುಳಿ,ಸ್ವಲ್ಪ ನೀರನ್ನು ಹಾಕಿ ನುಣ್ಣಗೆ ರುಬ್ಬಿಟ್ಟುಕೊಳ್ಳಬೇಕು.
ಬೆಂದ ಹೋಳುಗಳಿಗೆ , ರುಬ್ಬಿಟ್ಟ  ಮಸಾಲೆಯನ್ನು ಬೆರಸಿ ಬೇಕಾದಷ್ಟೇ ನೀರನ್ನು ಹಾಕಿ [ಹೆಚ್ಚು ತೆಳ್ಳಗಾಗ ಕೂಡದು], ಬೆಲ್ಲದಪುಡಿ ಉಪ್ಪನ್ನು ಸೇರಿಸಿ, ಚೆನ್ನಾಗಿ ಕುದಿಸಬೇಕು.  ಕೊನೆಯಲ್ಲಿ ಚನ್ನಾಗಿ ಜಜ್ಜಿದ ಬೆಳ್ಳುಳ್ಳಿಯ ಒಗ್ಗರಣೆ ಮಾಡಿ  ಹಾಕಬೇಕು.