ಈರುಳ್ಳಿ ರವಾ ದೋಸೆ - [ ಕೂಡಲೇ ತಯಾರಿಸುವಂತಹ ಸುಲಭ ದೋಸೆ ]
ಏನೇನು ಬೇಕು
ಮಿಡಿಯಂ ರವೆ - ಒಂದು ಕಪ್
ಅಕ್ಕಿ ಹಿಟ್ಟು - ಒಂದು ಕಪ್
ಮೈದಾ ಹಿಟ್ಟು - ಅರ್ಧ ಕಪ್
ಹಿಂಗು - ಚಿಟಿಕೆಯಷ್ಟು
ಜೀರಿಗೆ - ಒಂದು ಚಮಚ
ಸಣ್ಣಗೆ ತುಂಡು ಮಾಡಿದ ಕಾಳುಮೆಣಸು - ಒಂದು ಚಮಚ
ಸಣ್ಣಗ ಹೆಚ್ಚಿದ ಹಸಿ ಶುಂಟಿ - ಒಂದು ಚಮಚ
ಸಣ್ಣಗೆ ಹೆಚ್ಚಿದ ಹಸಿ ಮೆಣಸು - ಒಂದು ಚಮಚ
ರುಚಿಗೆ ಉಪ್ಪು ಹಾಗು ನೀರು.
ಬೇರೆಯಾಗಿ ತೆಗೆದಿಟ್ಟು ಕೊಳ್ಳಬೇಕು
ಸಣ್ಣಗೆ ಹೆಚ್ಚಿದ ಈರುಳ್ಳಿ - ಎರಡು
ಸಣ್ಣಗೆ ಹೆಚ್ಚಿದ ಕೊತ್ತಂಬರಿ ಸೊಪ್ಪು ಅರ್ದ ಕಪ್
ಮಾಡೋದು ಹೇಗೆ
ಮೇಲೆ ತಿಳಿಸಿದ ಎಲ್ಲಾ ಪದಾರ್ಥಗಳ್ಳನ್ನು ಒಂದು ಪಾತ್ರೆಯಲ್ಲಿ ಹಾಕಿ, ಹಿಡಿಸುವಷ್ಟು ನೀರನ್ನು ಹಾಕಿ ಚೆನ್ನಾಗಿ ಕಲಿಸಿಕೊಳ್ಳಬೇಕು. [ ನೀರು ದೋಸೆ ಹಿಟ್ಟಿನ ಹದಕ್ಕೆ ಕಲಿಸಿಕೊಳ್ಳಬೇಕು]ಹೀಗೆ ತಯಾರಾದ ಹಿಟ್ಟನ್ನು , ಕಾದ ಕಾವಲಿಯ ಮೇಲೆ ಎಣ್ಣೆಯನ್ನು ಸಿಂಪಡಿಸಿ, ಮೊದಲು ಒಂದು ಚಮಚದಷ್ಟು ಎಸಂನಗೆ ಕತ್ತರಿಸಿದ ಈರುಳ್ಳಿಯನ್ನು ಹರಡಿ, ಕೂಡಲೇ ದೋಸೆ ಹಿಟ್ಟನ್ನು ಹುಯ್ಯಬೇಕು, ಹಾಗು ಕೊತ್ತಂಬರಿ ಸೊಪ್ಪನ್ನು ಮೇಲಿನಿಂದ ಹಾಕಬೇಕು. ಅರ್ದಬೆಂದ ದೋಸೆಯ ಮೇಲೆ ಕೂಡಲೇ ಬೆಣ್ಣೆ/ತುಪ್ಪ/ಎಣ್ಣೆಯನ್ನು ಹಾಕಿ ಕಾಯಿಸಿದರೆ , ಗರಿ ಗರಿಯಾದ ಈರುಳ್ಳಿ ರವಾ ದೋಸೆ ಸಿದ್ಧ .
[ ಈ ದೋಸೆಯನ್ನು ಒಂದು ಬದಿ ಮಾತ್ರ ಕಾಯಿಸಿದರೆ ಸಾಕು.ಬೆಣ್ಣೆ ಹಾಗು ಚಟ್ನಿ ಯೋದಿಂಗೆ ಈ ದೋಸೆ ಒಳ್ಳೆಯದಾಗಿ ಹೊಂದಿ ಕೊಳ್ಳುತ್ತದೆ]
No comments:
Post a Comment