ಸಬ್ಬಸಿಗೆ ಸೊಪ್ಪಿನ ಪಲಾವ್

 ಸಬ್ಬಸಿಗೆ ಸೊಪ್ಪಿನ ಪುಲಾವ್ / ಚಿತ್ರಾನ್ನ 

                                  


         ಸಬ್ಬಸಿಗೆ ಸೊಪ್ಪು 

      

ingredients:

ಅಕ್ಕಿ      -     ಒಂದು ಉದ್ದ  ಲೋಟ 

ಸಬ್ಬಸಿಗೆ ಸೊಪ್ಪು  -  ಒಂದು ಕಟ್ಟು[ಸೊಪ್ಪನ್ನು ಬಿಡಿಸಿ ನೀರಿನಲ್ಲಿ ಹಾಕಿಡಬೇಕು]

*ಹಸಿರು ಮಸಾಲೆ   -    ಒಂದು ಬಟ್ಟಲು 

 ಹಸಿ ತರಕಾರಿ       -  ಒಂದು ಬಟ್ಟಲು 

ಒಗ್ಗರಣೆಗೆ:  ಸಾಸಿವೆ, ಕರಿಬೇವು, ಈರುಳ್ಳಿ,ಟೊಮೇಟೊ, ಗೋಡಂಬಿ/ ಶೇಂಗ ಬೀಜ.

ಉಪ್ಪು  -  ರುಚಿಗೆ  ತಕ್ಕಷ್ಟು, ಹಾಗು ಎಣ್ಣೆ.                                                           

*ಹಸಿರು ಮಸಾಲೆ ತಯಾರಿಸಲು

ಕಾಯಿ ತುರಿ  -  ಒಂದು ಬಟ್ಟಲು

ಹಸಿಮೆಣಸು   -  ಎಂಟರಿಂದ ಹತ್ತು 

ಕೊತ್ತಂಬರಿಸೊಪ್ಪು  -  ಒಂದು ಬಟ್ಟಲು

ಹಸಿ ಶುಂಟಿ   -  ಒಂದಿಂಚು

ಹುಣಸೆ    -  ಸ್ವಲ್ಪ

ಉಪ್ಪು 

ಎಲ್ಲಾ ಪದಾರ್ಥಗಳನ್ನು  ಮಿಕ್ಸಿಯಲ್ಲಿ  ಹಾಕಿ ರುಬ್ಬಿದರೆ,{ನೀರು ಬೇಕಾದಷ್ಟೆ ಹಾಕಬೇಕು}ಹಸಿರು ಮಸಾಲೆ ರೆಡಿ.

ಸಬ್ಬಿಸಿಗೆ ಸೊಪ್ಪಿನಿಂದ ಪಲಾವ್ ಮಾಡುವ ವಿದಾನ:

ಕುಕ್ಕರ್ ಪ್ಯಾನ್ ನಲ್ಲಿ  ಎಣ್ಣೆಯನ್ನು ಹಾಕಿ, ಬಿಸಿ ಆದ ಬಳಿಕ ಒಗ್ಗರಣೆಗೆ ತಿಳಿಸಿದ ಪದಾರ್ಥಗಳ್ಳನ್ನು ಹಾಕಿ, ಒಗ್ಗರಣೆ ಯನ್ನು ಮಾಡಿಕೊಳ್ಳಬೇಕು. ನಂತರ ಅದಕ್ಕೆ,

ರುಬ್ಬಿಟ್ಟ   ಮಸಾಲೆಯನ್ನು ಹಾಕಿ ಚೆನ್ನಾಗಿ ಹುರಿದುಕೊಳ್ಳಬೇಕು. ಈಗ ತೊಳೆದಿಟ್ಟ  ಸೊಪ್ಪು, ಹಸಿ ತರಕಾರಿ  ಹಾಗು ಅಕ್ಕಿಯನ್ನು ಹಾಕಿ,  ಮಿಕ್ಸ್ ಮಾಡಿಕೊಳ್ಳಬೇಕು, ರುಚಿಗೆ ಉಪ್ಪನ್ನು ಬೆರಸಿ, ಎರಡುವರೆ ಲೋಟ ನೀರನ್ನು ಸೇರಿಸಿ, ಮುಚ್ಚಳ ವನ್ನು ಮುಚ್ಚಿ ಎರಡು ಸಿಟಿ ತೆಗೆದರೆ ಆರೋಗ್ಯಕರವಾದ ಸಬ್ಬಸಿಗೆ ಸೊಪ್ಪಿನ ಅನ್ನ/ ಪಲಾವ್ ತಯಾರ್.

* ಬಡಿಸುವಾಗ  ಲಿಂಬೆ ರಸವನ್ನು  ಹಿಂಡಿಕೊಂಡರೆ , ತಿನ್ನುವಾಗ ಮತ್ತಷ್ಟು ರುಚಿಯಾಗಿರುತ್ತದೆ.