ಕೊರ್ನ್ ಆಂಬೋಡೆ

ಕೊರ್ನ್   ಆಂಬೋಡೆ

 ಮಾಡಲು ಏನೇನು ಬೇಕು 

 ಕೊರ್ನ್     -    ಒಂದು ಕಪ್ 

  ಕಡ್ಲೆ ಬೇಳೆ  -    ಒಂದು  ಕಪ್ 

  ಹಸಿಮೆಣಸು -   ಮೂರರಿಂದ ನಾಲ್ಕು [ಖಾರಕ್ಕೆ ಬೇಕಾಗುವಷ್ಟು ]

  ಈರುಳ್ಳಿ       -    ಎರಡು [ಸಣ್ಣಗೆ ಹೆಚ್ಚಿದ್ದು]

  ಕಾಯಿತುರಿ   -    ಸ್ವಲ್ಪ 

  ಕರಿಬೇವು     -  ಒಂದು ಗರಿ 

  ಹಿಂಗು         -   ಸ್ವಲ್ಪ 

  ಅರಿಶಿನ       -   ಕಾಲು ಚಮಚ    

  ಉಪ್ಪು         -   ರುಚಿಗೆ ತಕ್ಕಷ್ಟು 

  ಕಡ್ಲೆ ಹಿಟ್ಟು    ಒಂದು ದೊಡ್ಡ ಚಮಚ

 ಕರಿಯಲು ಎಣ್ಣೆ .

ಮಾಡುವ ರೀತಿ :ಕಡಲೇಬೇಳೆಯನ್ನು  ಒಂದು ಗಂಟೆ  ನೆನಸಬೇಕು.  ಈ ನೆನದ  ಕಡ್ಲೆ ಬೇಳೆಯನ್ನು, ಹಸಿಮೆಣಸಿನೊಂದಿಗೆ  ತರಿ ತರಿಯಾಗಿ ರುಬ್ಬಿಕೊಂಡು, ಕೊನೆ ಸುತ್ತಿನಲ್ಲಿ  ಬಿಡಿಸಿಟ್ಟ ಕೊರ್ನ್ ಗಳ್ಳನ್ನು  ಹಾಕಿ  ಒಂದು ಸುತ್ತು  ಮಿಕ್ಸಿ  ಮಾಡಿಕೊಳ್ಳಬೇಕು. ಹೀಗೆ, ರುಬ್ಬಿದ ಹಿಟ್ಟಿಗೆ  ಸಣ್ಣಗೆ ಹೆಚ್ಚಿದ   ಹಸಿಮೆಣಸು , ಕರಿಬೇವು, ಹಿಂಗು ಉಪ್ಪು ಈರುಳ್ಳಿ, ಕಾಯಿತುರಿ    ಕಡ್ಲೆ ಹಿಟ್ಟನ್ನು  ಹಾಕಿ  [ನೀರು ಮುಟ್ಟಿಸದೆ]ಕಲೆಸಿಕೊಂಡು ಸಣ್ಣ ಸಣ್ಣ ಉಂಡೆ ಮಾಡಿ ಚಪ್ಪಟೆಯಾಗಿ ತಟ್ಟಿ ಕಾದ ,ಎಣ್ಣೆಯಲ್ಲಿ[ಮಧ್ಯಮ ಉರಿಯಲ್ಲಿ] ಕರಿಯಬೇಕು.