ಗಲ್ಫ್ ದೇಶಗಳಲ್ಲಿ ಹೆಚ್ಚಾಗಿ ಬೇಳೆಯುವ ಖರ್ಜೂರವು ಅತ್ಯಂತ ಸತ್ವಯುತವಾಗಿದೆ. ಇದರಲ್ಲಿ ಕಬ್ಬಿಣಾಂಶ ಕ್ಯಾಲ್ಷಿಯಂ ಪೋಟ್ಶಿಶಿಯಾಂ ಮತ್ತು 

 ನಾರಿನಂಶ ಹೇರಳವಾಗಿದೆ . ರಕ್ತ ಹೀನತೆ , ಹೃದಯದ ತೊಂದರೆಗಳು,ಮಲಬದ್ದತೆ ಕರುಳಿನ ಕ್ಯಾನ್ಸರ್ ಮುಂತಾದ ಸಮಸ್ಯೆಗಳನ್ನು 

 ನಿವಾರಿಸುವಲ್ಲಿ ಉಪಯುಕ್ತ. ಬಾಣ0ತಿಯರಿಗೆ  ಮತ್ತು ವ್ರದ್ಧರಿಗೆ  ಇದು ಅತ್ತುತ್ಯಮವಾದ ಆಹಾರ. . 

 

 ಖರ್ಜೂರದ ಅನ್ನ 

ಬೇಕಾಗುವ ಪದಾರ್ಥಗಳು 

ಕೆಂಪಕ್ಕಿ / ಬಾಸುಮತಿ ಅಕ್ಕಿ ಅನ್ನ   -  ಎರಡು ಕಪ್ಪು 

ಬೀಜ ತೆಗೆದು ಕತ್ತರಿಸಿದ ಖರ್ಜೂರ  -  3/4  ಕಪ್ಪು 

ಈರುಳ್ಳಿ   -  ಎರಡು [ಉದ್ದಕ್ಕೆ ಹೆಚ್ಚಿಕೊಳ್ಳಬೇಕು]

ಗೋಡಂಬಿ  -  ನಾಲ್ಕು 

ಬಾದಾಮಿ   -  ನಾಲ್ಕು 

ಒಣ ದ್ರಾಕ್ಷಿ   -  10 

ಕಾಳು ಮೆಣಸು ಪುಡಿ  -   ಒಂದು ಚಮಚ 

ಗರಮ್ ಮಸಾಲ ಪುಡಿ  -  ಒಂದು ಚಮಚ 

ಉಪ್ಪು   -  ಸ್ವಲ್ಪ 

ತುಪ್ಪ / ಎಣ್ಣೆ   -  ಎರಡು ದೊಡ್ಡ ಚಮಚ.  

 ಕೊತ್ತಂಬರಿ ಸೊಪ್ಪು  - ಸ್ವಲ್ಪ 

ಕಾಯಿತುರಿ   - ಎರಡು ಚಮಚ. 

 ಮಾಡುವ ವಿಧಾನ:

 ೧. ದಪ್ಪ ತಳದ ಬಾಣಲೆಯಲ್ಲಿ ತುಪ್ಪ / ಎಣ್ಣೆಯನ್ನು ಹಾಕಿ ಕಾಯಿಸಬೇಕು. 

 ೨. ಕಾದ ತುಪ್ಪದಲ್ಲಿ  ಗೋಡಂಬಿ ಬಾದಾಮಿ ದ್ರಾಕ್ಷಿ ಹಾಗು ಕರ್ಜೂರವನ್ನು ಹುರಿದುಕೊಂಡು ತೆಗೆದಿಡಬೆಕು.. 

೩. ಅದೇ ಬಾಣಲೆಯಲ್ಲಿ, ಸ್ವಲ್ಪ ಎಣ್ಣೆ /ತುಪ್ಪವನ್ನು ಹಾಕಿ[ಅಗತ್ಯವಿದ್ದಲ್ಲಿ ಮಾತ್ರ] ಉದ್ದಕ್ಕೆ ಹೆಚ್ಚಿಟ್ಟ  ಈರುಳ್ಳಿಯನ್ನು ತುಸು 

    ಕೆಂಪಗೆ ಹುರಿಯಬೇಕು.  ನಂತರ ಅದಕ್ಕೆ, ತಯಾರಿಸಿಟ್ಟ  ಅನ್ನ, ಕಾಳು ಮೆಣಸಿನ ಪುಡಿ, ಗರಂ ಮಸಾಲೆ ಪುಡಿ, ಉಪ್ಪನ್ನು 

    ಹಾಕಬೇಕು. 

೪. ಕೊನೆಯಲ್ಲಿ ಹುರಿದಿಟ್ಟ ಒಣ ಹಣ್ಣುಗಳ್ಳನ್ನು [dry fruits]ಸೇರಿಸಿ ಚನ್ನಾಗಿ ಕಲಸಿಕೊಳ್ಳ ಬೇಕು. 

೫. ಸ್ವಲ್ಪ ಕಾಯಿತುರಿ  ಹಾಗು  ಕೊತ್ತಂಬರಿ ಸೊಪ್ಪನ್ನು ಸಣ್ಣಗೆ ಹೆಚ್ಚಿ  ಮೇಲಿನಿಂದ ಹಾಕಿಕೊಂಡು ಸವಿಯಬಹುದು.