ಹರಿವೆ ಸೊಪ್ಪಿನ ತಂಬ್ಳಿ 

ಬೇಕಾಗುವ ಪದಾರ್ಥಗಳು:

ಏಳೇ ಹರಿವೆ ಸೊಪ್ಪು  -  ಒಂದು ಕಟ್ಟು 

ಕಾಯಿತುರಿ   - ಅರ್ದ ಕಪ್ಪು 

ಮೊಸರು / ಕಡೆದ ಮಜ್ಜಿಗೆ  -  ಎರಡು  ಲೋಟ 

ಕಾಳುಮೆಣಸು   -  8  - 10 

ಜೀರಿಗೆ   -   ಅರ್ದ ಚಮಚ 

ಉಪ್ಪು   - ಸ್ವಲ್ಪ. 

ತುಪ್ಪ  / ತೆಂಗಿನ ಎಣ್ಣೆ  -    ಸಣ್ಣ ಚಮಚ. 

ಒಗ್ಗರಣೆಗೆ  ಬೇಕಾಗುವ ಪದಾರ್ಥಗಳು:

ತುಪ್ಪ  - ಒಂದು ಸಣ್ಣ ಚಮಚ 

ಸಾಸಿವೆ  - ಕಾಲು ಚಮಚ 

ಒಣಮೆಣಸು  -  ಒಂದು. 

ಮಾಡುವ ವಿಧಾನ:

ಸೊಪ್ಪನ್ನು ದಂಟಿ ನಿಂದ  ಬಿಡಿಸಿ, ಚನ್ನಾಗಿ  ತೊಳೆದುಕೊಂಡು , ಸಣ್ಣಗೆ ಹೆಚ್ಚಿ[ಕತ್ತರಿಸಿ] ಬೇಯಿಸಿಕೊಳ್ಳಬೇಕು.  ಕಾಳು ಮೆಣಸು  ಹಾಗು ಜೀರಿಗೆಯನ್ನು ಸ್ವಲ್ಪ ತುಪ್ಪದಲ್ಲಿ ಹುರಿದು ಕಾಯಿತುರಿಯೊಂದಿಗೆ ನುಣ್ಣಗೆ  ರುಬ್ಬಿಕೊಳ್ಳಬೇಕು. ರುಬ್ಬಿದ ಪದಾರ್ಥಕ್ಕೆ  ಬೇಯಿಸಿದ ಸೊಪ್ಪು[ನೀರು ಸಹಿತ], ಮೊಸರು  / ಕಡೆದ ಮಜ್ಜಿಗೆ ಮತ್ತು ಉಪ್ಪನ್ನು ಸೇರಿಸಿ ಕೊಂಡು, ತುಪ್ಪದಲ್ಲಿ ಸಾಸಿವೆ ಅಥವಾ ಜೀರಿಗೆ ಒಣ ಮೆಣಸಿನ ಒಗ್ಗರಣೆಯನ್ನು ಕೊಡಬೇಕು. 

 ಆಯುರ್ವೇದಿಯ ಹಿನ್ನಲೆ:
 ದೇಹದ ತೂಕ ಜಾಸ್ತಿ ಮಾಡುತ್ತದೆ. ಪೌಷ್ಟಿಕವಾದದ್ದು. ಕಫ ತುಸು ಹೆಚ್ಚು ಮಾಡುತ್ತದೆ. ಬೇಸಿಗೆಯಲ್ಲಿ ಒಳ್ಳೆಯದು. ಆರೋಗ್ಯ ವರ್ಧಕ.  ಬಾಣ0ತಿಯರಿಗೆ   ಅಷ್ಟು ಒಳ್ಳೆಯದಲ್ಲ.