ಗ್ರೀನ್ ಪುಲಾವ್

ಗ್ರೀನ್ ಪುಲಾವ್

ಬೇಕಾಗುವ ಪದಾರ್ಥಗಳು:

ಬಾಸ್ಮತಿ ಅಕ್ಕಿ/ ಸೋನ ಮಸೂರಿ ಅಕ್ಕಿ - ಒಂದು ಕಪ್ಪು

ಕತ್ತರಿಸಿದ ಈರುಳ್ಳಿ  - ಎರಡು

ಹೆಚ್ಚಿದ ಮಿಶ್ರ ತರಕಾರಿ - ಒಂದೂವರೆ ಕಪ್ಪು

ಅಡುಗೆ ಎಣ್ಣೆ/ ತುಪ್ಪ - ೫ -೬ ಸಣ್ಣ ಚಮಚ 

ಲವಂಗ -  ೨

ಚಕ್ಕೆ-  ಅರ್ದ ಇಂಚು

ಅರಿಶಿನ ಪುಡಿ - ಅರ್ದ ಸಣ್ಣ  ಚಮಚ

ಉಪ್ಪು ರುಚಿಗೆ ತಕ್ಕಷ್ಟು 

ಕೊತ್ತಂಬರಿ ಸೊಪ್ಪು - ಅಲಂಕಾರಕ್ಕೆ ಸ್ವಲ್ಪ 

ಮಸಾಲೆಗೆ ಬೇಕಾಗುವ ಪದಾರ್ಥಗಳು:

ಕೊತ್ತಂಬರಿ ಸೊಪ್ಪು- ಅರ್ದ ಕಪ್ಪು

ಹಸಿ ಶುಂಟಿ - ಅರ್ದ ಇಂಚು 

ಬೆಳ್ಳುಳ್ಳಿ ಎಸಳು- ೫

ಹಸಿ ಮೆಣಸು - ೩

ಮೇಲೆ ತಿಳಿಸಿದ ಮಸಾಲೆಗೆ ಬೇಕಾಗುವ ಪದಾರ್ಥಗಳನ್ನು ನಯವಾಗಿ ಪೇಸ್ಟ್ ಮಾಡಿತ್ತು ಕೊಳ್ಳಬೇಕು.   

ಮಾಡುವ ವಿಧಾನ:

 ಕುಕ್ಕೆರ್ ಪಾತ್ರೆ ಯಲ್ಲಿ ತುಪ್ಪ /ಎಣ್ಣೆಯನ್ನು ಹಾಕಿ ಕಾಯಿಸಬೇಕು. ಬಳಿಕ ಅದರಲ್ಲಿ ಚಕ್ಕೆ, ಲವಂಗ ಹಾಗು ಕತ್ತರಿಸಿದ ಈರುಳ್ಳಿಯನ್ನು ಹಾಕಿ ಚನ್ನಾಗಿ ಹುರಿದು ಕೊಳ್ಳಬೇಕು. ಈಗ ಅದಕ್ಕೆ ರುಬ್ಬಿತ್ತ ಪೇಸ್ಟ್ ಹಾಕಿ ಹಸಿ ವಾಸನೆ ಹೋಗುವರೆಗೆ ಫ್ರೈ ಮಾಡಬೇಕು. ಒಮ್ಮೆ ಈರುಳ್ಳಿ ಫ್ರೈ ಆದ ನಂತರ ಅದಕ್ಕೆ ಅರಿಶಿನ ಪುಡಿ,ತೊಳೆದಿಟ್ಟ ಅಕ್ಕಿ, ತರಕಾರಿ, ಊಫ್ಫೂ.Yಏಋಆಡೂ ಕಪ್ಪು ನೀರುಸೇರಿಸಿ ಚನ್ನಾಗಿ ಮಿಕ್ಸ್ ಮಾಡಿ ಕುಕ್ಕೆರ್ ಗೆ ಮುಚ್ಚಳ ಮುಚ್ಚಿ ಹೈ ಉರಿಯಲ್ಲಿ ಎರಡು ವಿಷಲ್/ಸಿಟಿ ಕೂಗಿಸಿ ಗ್ಯಾಸ್ ಉರಿಯನ್ನು ತೆಗೆಯಬೇಕು. ಕುಕ್ಕೆರ್ ತಣಿದ ಬಳಿಕ ಮುಚ್ಚಳ ತೆಗೆದು ಸಣ್ಣಗೆ ಕತ್ತರಿಸಿದ ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿದರೆ ಸುಲಭವಾಗಿ ಹಾಗು ರುಚಿಯಾದ ಗ್ರೀನ್ ಪುಲಾವ್ ರೆಡಿ.

TIPS:ತುಪ್ಪದಲ್ಲಿ ಹುರಿದ ಪನೀರ್ /ಬ್ರೆಡ್ ತುಂಡುಗಳನ್ನುಮೇಲಿನಿಂದ  ಹಾಕಿ ಅಲಂಕರಿಸಿದರೆ ಸವಿಯಲು

          ರುಚಿಯಾಗಿರುತ್ತದೆ. 

           

 

ಕೊತ್ತಂಬರಿ ಬೀಜದ ತಂಬುಳಿ

ಕೊತ್ತಂಬರಿ  ಬೀಜದ ತಂಬುಳಿ 

     ಬೇಕಾಗುವ ಪದಾರ್ಥಗಳು:

      

     ಕಾಯಿ ತುರಿ   - ಅರ್ದ ಕಪ್ಪು 

     ಮೊಸರು     -  ಒಂದೂವರೆ ಕಪ್ಪು 

     ಕೊತ್ತಂಬರಿ ಬೀಜ/ ಧನಿಯಾ  -  ಎರಡು ಚಮಚ 

     ತುಪ್ಪ   -  ಸ್ವಲ್ಪ

     ಉಪ್ಪು   -   ರುಚಿಗೆ ತಕ್ಕಷ್ಟು 

    

ಒಗ್ಗರೆಣೆ ಗೆ  ಬೇಕಾಗುವ ಪದಾರ್ಥಗಳು:

     ತುಪ್ಪ  - ಅರ್ದ ಚಮಚ 
     ಒಣಮೆಣಸು   - ಒಂದು/ ಎರಡು 
     ಕರಿಬೇವು    - ಒಂದು ಗರಿ 

ಮಾಡುವ ವಿಧಾನ:

೧.  ಒಗ್ಗರೆಣೆ  ಸವಟಿ ನಲ್ಲಿ  ಸ್ವಲ್ಪ ತುಪ್ಪ ಹಾಕಿ ಬಿಸಿಮಾಡಿಕೊಂಡು ,ಕೊತ್ತಂಬರಿ ಬೀಜವನ್ನು ಹದವಾಗಿ ಹುರಿದುಕೊಳ್ಳಬೇಕು.
೨. ಹುರಿದ ಕೊತ್ತಂಬರಿ ಕಾಳನ್ನು , ಕಾಯಿತುರಿ + ಮೊಸರನ್ನು ಹಾಕಿ ನಯವಾಗಿ ರುಬ್ಬಿಕೊಳ್ಳಬೇಕು. 
೩. ರುಬ್ಬಿದ ಮಿಶ್ರಣಕ್ಕೆ ತಕ್ಕಷ್ಟು ಉಪ್ಪನ್ನು ಬೆರಸಿ , ತುಪ್ಪ ಕಾಯಿಸಿ, ಸಾಸಿವೆ ಒಣಮೆಣಸು ಹಾಗು ಕರಿಬೀವಿನಿಂದ
    ಒಗ್ಗರೆಣೆ  ಹಾಕಿದರೆ, ರುಚಿಯಾದ ಆರೋಗ್ಯಕ್ಕೂ ಹಿತವಾದ ತಂಬುಳಿ ಸಿದ್ದ.

*  ಇದೇ ವಿಧಾನದಲ್ಲಿ ಮೆಂತ್ಯೆ ಕಾಳು , ಜೀರಿಗೆ ಯನ್ನು ಹದವಾಗಿ ಹುರಿದು ಕಾಯಿತುರಿ ಮೊಸರನ್ನು ಬೆರಸಿ ರುಬ್ಬಿಕೊಂಡು ತಂಬುಳಿ ಯನ್ನು ಮಾಡಬಹುದು.

ಮಾವಿನಕಾಯಿ ಚಟ್ನಿ 

ಬೇಕಾಗುವ ಪದಾರ್ಥಗಳು 

ಮಾವಿನಕಾಯಿ  -  ಒಂದು 

ಕಾಯಿತುರಿ  -  ಒಂದು ಬಟ್ಟಲು 

ಹಸಿಮೆಣಸು  -  ನಾಲ್ಕು 

ಬೆಳ್ಳುಳ್ಳಿ ಎಸಳು  - ಐದು 

 ಉಪ್ಪು  -  ರುಚಿಗೆ ತಕ್ಕಷ್ಟು 

ಮಾಡುವ ವಿಧಾನ

ಮಾವಿನಕಾಯಿಯ ಓಟೆ ತೆಗೆದು ಹೆಚ್ಚಿಕೊಳ್ಳಬೇಕು. ಹೆಚ್ಚಿದ ಮಾವಿನಕಾಯಿಯ ತುಂಡುಗಳೊಂದಿಗೆ ಕಾಯಿತುರಿ, ಹಸಿಮೆಣಸು, ಬೆಳ್ಳುಳ್ಳಿ ಉಪ್ಪನ್ನು ಹಾಕಿ ಮಿಕ್ಸಿಯಲ್ಲಿ ರುಬ್ಬಿಕೊಂಡರೆ, ಮಾವಿನಕಾಯಿ ಚಟ್ನಿ ಸಿದ್ದವಾಗುತ್ತದೆ. 

ತಟ್ಟೆ ಕಡಬು  / ಬಟ್ಟಲು ಕಡಬು 

ಬೇಕಾಗುವ ಪದಾರ್ಥಗಳು 

ಅಕ್ಕಿ   -  ಒಂದು ಅಳತೆ [ಅಕ್ಕಿಯನ್ನು ಎರಡು ಗಂಟೆಗಳ ಕಾಲ ನೆನಸಿಡಬೇಕು]

ಕಾಯಿತುರಿ  -  ಅರ್ದ ಅಳತೆ 

ಬೆಲ್ಲದ ಪುಡಿ  - ಅರ್ದ ಅಳತೆ  ಅಥವಾ ಸಿಹಿ ಜಾಸ್ತಿ ಬೇಕಾದಲ್ಲಿ ಒಂದು ಅಳತೆ 

ಏಲಕ್ಕಿ  - ಮೂರು 

ಉಪ್ಪು  - ಚಿಟಿಕೆಯಷ್ಟು. 

ಮಾಡುವ ವಿಧಾನ 

೧. ನೆನಸಿದ ಅಕ್ಕಿಯನ್ನು ದೋಸೆ ಹಿಟ್ಟಿನ ಹದಕ್ಕೆ ರುಬ್ಬಿಕೊಳ್ಳಬೇಕು. ರುಬ್ಬುವಾಗ ಕಾಯಿತುರಿ-ಬೆಲ್ಲ -ಏಲಕ್ಕಿ- ಉಪ್ಪನ್ನು ಸೆರಿಸಿಕೊಳ್ಳಬೇಕು 

೨. ಗ್ಯಾಸ್ ಮೇಲೆ ಬಾಣಲೆ ಇಟ್ಟು , ನೀರನ್ನು ಹಾಕಿ ಕುದಿಯಲು ಇಡಬೇಕು. ಜೋರಾಗಿ ಕುಡಿಯುತಿರುವ ಪಾತ್ರೆಯ ಮೇಲೆ ಚಿಕ್ಕ ತಟ್ಟೆಯಲ್ಲಿ ಸ್ವಲ್ಪ ಎಣ್ಣೆ ಸವರಿ ಒಂದು ಸವಟು  ಹಿಟ್ಟನ್ನು ಹಾಕಿ ಹರಡಿ [ ತೆಳುವಾಗಿ ಹಿಟ್ಟನ್ನು ಹಾಕಿ]ಮೇಲಿನಿಂದ ಮುಚ್ಚಳವನ್ನು ಮುಚ್ಚಬೇಕು. ಎರಡೇ ನಿಮಿಷದಲ್ಲಿ ಹರಡಿದ ಹಿಟ್ಟು ಬೆಂದು ಕಡಬಾಗುತ್ತದೆ.. ಬೆಂದ ತಟ್ಟೆಯನ್ನು ಕೆಳಗಿಳಿಸಿ ಮತ್ತೆ ಇನ್ನೊದು ತಟ್ಟೆಯಲ್ಲಿ ಹಿಟ್ಟನ್ನು  ಹರಡಿ ಬೇಯಲು ಇಡಬೇಕು.  ಬಿಸಿ ಆರಿದ ಬಳಿಕ ತಟ್ಟೆಯಿಂದ ಕಡಬನ್ನು ನಿದಾನವಾಗಿ ತೆಗೆದು ಮಡಚಿ ಮೇಲಿನಿಂದ ತುಪ್ಪ ಹಾಕಿಕೊಂಡು ಸವಿಯಬೇಕು.

* ಮೂರು ದಿನಗಳ ಕಾಲ ಇಟ್ಟುಕೊಂಡು ತಿನ್ನಬಹುದಾದ ಈ ಕಡಬನ್ನು ಆಬಾಲ ವ್ರದ್ದರಾದಿಯಾಗಿ ಎಲ್ಲರೂ ಇಷ್ಟಪಡುತ್ತಾರೆ. 

. 

ಮಾವಿನಕಾಯಿ ಅಪ್ಪೆಹುಳಿ 

 ಬೇಕಾಗುವ ಪದಾರ್ಥಗಳು 

 ಮಾವಿನಕಾಯಿ  -  ಒಂದು 

 ಬೆಲ್ಲ  -  ಸಣ್ಣ ತುಂಡು 

ಉಪ್ಪು  - ರುಚಿಗೆ ಹದವಾಗಿ 

ಒಗ್ಗರೆಣೆ ಗೆ ಬೇಕಾಗುವ ಪದಾರ್ಥಗಳು:

 ತೆಂಗಿನ ಎಣ್ಣೆ  - ಒಂದು ಚಮಚ 

 ಸಾಸಿವೆ  - ಒಂದು ಸಣ್ಣ ಚಮಚ 
 ಹಿಂಗು -  ಒಂದು ಚಿಟಿಕೆ 
 ಹಸಿಮೆಣಸು  - ಮೂರು [ಸಣ್ಣಗೆ ಹೆಚ್ಚಿಡಬೇಕು]
ಬೆಳ್ಳುಳ್ಳಿ  -   ಐದು ಎಸಳು [ಸಣ್ಣಗೆ ಹೆಚ್ಚಿಡಬೇಕು]
 ಕರಿಬೇವು  -  ಒಂದು ಗರಿ. 

ಮಾಡುವ ವಿಧಾನ  

 ೧. ತೊಳೆದ ಒಂದು ಈಡಿ ಮಾವಿನಕಾಯಿಯನ್ನು ಕುಕ್ಕರಲ್ಲಿ ಇಟ್ಟು,  ಮುಳುಗುವಷ್ಟು ನೀರನ್ನು ಹಾಕಿ, ಮೂರು ಸಿಟಿ ತೆಗೆದು ಬೇಯಿಸಿಡಬೇಕು. 
೨ಬೆಂದ ಮಾವಿನಕಾಯಿಯ ಸಿಪ್ಪೆ ಹಾಗು ಒಟೆ  [ಬೀಜ] ತೆಗೆದು ಬದಿಗಿರಿಸಿ, ತಿರುಳಿಗೆ ಉಪ್ಪು ಬೆಲ್ಲ ಹಾಗು ಸ್ವಲ್ಪ ನೀರನ್ನು ಹಾಕಿ
ಸೇರಿಸಿ ಮಿಕ್ಸಿಯಲ್ಲಿ ರುಬ್ಬಿಕೊಳ್ಳಬೇಕು [ತೆಳುವಾಗಿರಬೇಕು]
೩. ಸಾರಿನ ಪಾತ್ರೆಯಲ್ಲಿ ಒಂದು ಚಮಚ ಎಣ್ಣೆ ಹಾಕಿ ಕಾಯಿಸಿ , ಒಗ್ಗರಣೆ ಪದರ್ಥಗಳನ್ನು ಹಾಕಿ ಒಗ್ಗರಣೆ ಮಾಡಿಕೊಂಡು  .ಗ್ಯಾಸ್ ಉರಿಯನ್ನು ತೆಗೆದು, ಬಳಿಕ ರುಬ್ಬಿಟ್ಟ  ಮಾವಿನ ಮಿಶ್ರಣವನ್ನು ಅದಕ್ಕೆ ಹಾಕಿದರೆ ಅಪ್ಪೆಹುಳಿ ಸವಿಯಲು ಸಿದ್ದ. 

* ಅಪ್ಪೆ ಹುಳಿಯನ್ನು ಅನ್ನ ದೊಟ್ಟಿಗೆ ಕಲಸಿ ತಿನ್ನಬಹುದು ಇಲ್ಲವೇ ಲೋಟದಲ್ಲಿ ಹಾಕಿ ಸೂಪ್ ರೀತಿಯಲ್ಲಿ ಕುಡಿಯಬಹುದು. 
   ಒಟ್ಟಿನಲ್ಲಿ ತಿಂದು / ಕುಡಿದ ಬಳಿಕ ಒಳ್ಳೆಯ ನಿದ್ದೆಗೆ ಜಾರುವುದಂತು ಗ್ಯಾರಂಟಿ . 

                         ಪಂಚ ಧಾನ್ಯ  ಉಂಡೆ 

ಬೇಕಾಗುವ ಪದಾರ್ಥಗಳು 

ಹೆಸರು ಕಾಳು  - ಒಂದು ಅಳತೆ 

ಕಡ್ಲೆ ಕಾಳು   -   ಒಂದು ಅಳತೆ 

ಕೆಂಪು ಕುಚಲಕ್ಕಿ  -  ಒಂದು ಅಳತೆ 

ಬೆಲ್ಲದ ಪುಡಿ  - ಎರಡು ಅಳತೆ 

ಕೊಬ್ಬರಿ ತುರಿ  -  ಎರಡು ಅಳತೆ 

ಶೇಂಗ  ಹಾಗು ಬಾದಾಮಿ ಪುಡಿ  - ಅರ್ದ ಕಪ್ಪು 

ಏಲಕ್ಕಿ ಪುಡಿ  - ಸ್ವಲ್ಪ 

 ತುಪ್ಪ   -  ಸ್ವಲ್ಪ 

ಮಾಡುವ ವಿಧಾನ 

೧. ಮೊದಲು ಒಂದು ಬಾಣಲೆಯನ್ನು ಬಿಸಿ ಮಾಡಿ,ಅಕ್ಕಿಯನ್ನು ಹಾಕಿ  ಕೆಂಪಗೆ ಹುರಿದುಕೊಳ್ಳಬೇಕು. ನಂತರ ಕಡಲೆಕಾಳು ಬಳಿಕ ಹೆಸರುಕಾಳನ್ನು ಹುರಿದುಕೊಂಡು ತಣಿಯಲು ಬಿಡಬೇಕು. 

೨. ಬಾದಾಮಿ , ಶೇಂಗ ಬೀಜ ಹುರಿದುಕೊಂಡು ತರಿ ತರಿಯಾಗಿ ಪುಡಿ ಮಾಡಿಟ್ಟು ಕೊಳ್ಳಬೇಕು. 

೩. ತಣಿದ  ದಾನ್ಯ ಗಳ್ಳನ್ನು ಮಿಕ್ಸಿಯಲ್ಲಿ ಹಾಕಿ ನುಣ್ಣಗೆ ಪುಡಿ ಮಾಡಿಕೊಳ್ಳಬೇಕು. 

೪. ದಪ್ಪ ತಳದ ಬಾಣಲೆಯನ್ನು ಒಲೆಯ ಮೇಲಿಟ್ಟು , ಎರಡು ಅಳತೆ ಬೆಲ್ಲ ಹಾಗು ಎರಡು ಚಮಚ ನೀರು ಹಾಕಿ ಸಣ್ಣ ಉರಿಯಲ್ಲಿ ಕಾಯಿಸಿ ಒಂದೆಳೆ ಪಾಕವನ್ನು ತಯಾರಿಸಬೇಕು. ಆ ಪಾಕದಲ್ಲಿ ಮಾಡಿಟ್ಟ ಪುದಿಗಲ್ಲನ್ನು ಹಾಕಿಜೋತೆಗೆ ಕೊಬ್ಬರಿತುರಿ/ಹಸಿ ಕಾಯಿತುರಿ ಯನ್ನು ಹಾಕಿ ಚನ್ನಾಗಿ ಮಿಕ್ಸ್ ಮಾಡಿ ಕೊಳ್ಳಬೇಕು. ಏಲಕ್ಕಿ ಪುಡಿಯನ್ನು ಸೇರಿಸಬೇಕು. ಈಗ ಗ್ಯಾಸ್ ಉರಿಯನ್ನು ತೆಗೆದು ಎರಡು ಚಮಚ ತುಪ್ಪ ಹಾಕಿ ತಣಿಯಲು ಬಿಡಬೇಕು. 

 ೫. ತಣಿದ ಹಿಟ್ಟಿನಿಂದ ನಮಗೆ ಬೇಕಾದ ಗಾತ್ರದ ಉಂಡೆಗಳನ್ನು ಕಟ್ಟಿ ಕೊಳ್ಳಬೇಕು. 

ಮಾವಿನಕಾಯಿ ಚಿತ್ರಾನ್ನ 

ಬೇಕಾಗುವ ಪದಾರ್ಥಗಳು:

ಉದುರಾದ ಅನ್ನ  -  ಒಂದು ಲೋಟ ಅಕ್ಕಿಯಿಂದ ಮಾಡಿದ್ದು]

 ಕತ್ತರಿಸಿದ ಕೊತ್ತಂಬರಿ ಸೊಪ್ಪು  - ಸ್ವಲ್ಪ 

ಚಟ್ನಿ / ಗೊಜ್ಜಿಗೆ ಬೇಕಾಗುವ ಪದಾರ್ಥಗಳು 

ತೋತಾಪುರಿ ಮಾವಿನಕಾಯಿ   -  ಒಂದು [ ಮೀಡಿಯಂ ಸೈಜು ]
ಘಾಟಿ ಮೆಣಸು  -- ಎಂಟು
ಬಿಳಿ ಎಳ್ಳು   -  ಒಂದು ಚಮಚ
ಕಾಯಿತುರಿ   -  ಒಂದು ಕಪ್ಪು
ಬೆಲ್ಲ   -  ಅರ್ದ ಚಮಚ
ಉಪ್ಪು  -  ರುಚಿಗೆ ಸ್ವಲ್ಪ

ಒಗ್ಗರೆಣೆಗೆ  ಬೇಕಾಗುವ ಪದಾರ್ಥಗಳು:

 ಕೊಬ್ಬರಿ ಎಣ್ಣೆ  -  ಎರಡು ಚಮಚ 

 ಸಾಸಿವೆ   -  ಒಂದು ಸಣ್ಣ ಚಮಚ 

ಹಿಂಗು   -  ಒಂದು ಚಿಟಿಕೆಯಷ್ಟು 

ಒಣಮೆಣಸು   - ಒಂದು 

ಕಡ್ಲೆ ಬೀಜ -  ಎರಡು ದೊಡ್ಡ ಚಮಚ 

ಕರಿಬೇವು  - ಒಂದು ಗರಿ 

ಮಾಡುವ ವಿಧಾನ:

೧. ಮಾವಿನ ಕಾಯಿಯ ಓಟೆ [ಬೀಜ] ತೆಗೆದು ಹೆಚ್ಚಿಕೊಂಡು, ಮಸಾಲೆಗೆ ತಿಳಿಸಿದ ಉಳಿದ ಪದಾರ್ಥಗಳೊಂದಿಗೆ [ಬೇಕಾದಲ್ಲಿ ಸ್ವಲ್ಪ ನೀರು ಸೇರಿಸಿ] ರುಬ್ಬಿಕೊಳ್ಳಬೇಕು.

೨. ಬಾಣಲೆಯಲ್ಲಿ ಎಣ್ಣೆ ಕಾಯಿಸಿ, ಒಗ್ಗರಣೆ ಗೆ ತಿಳಿಸಿದ ಪದಾರ್ಥಗಳನ್ನು ಹಾಕಿ ಒಗ್ಗರಣೆ ಮಾಡಿಕೊಳ್ಳಬೇಕು. ಈಗ ಅದರಲ್ಲಿ ರುಬ್ಬಿದ ಚಟ್ನಿಯನ್ನು ಹಾಕಿ ಚನ್ನಾಗಿ ಹುರಿದು/ ಬಾಡಿಸಿ  ಗ್ಯಾಸ್ ಉರಿಯನ್ನು ತೆಗೆಯಬೇಕು. 

೩. ಸಿದ್ದವಾದ ಗೊಜ್ಜಿಗೆ / ಚಟ್ನಿಗೆ  ಮೊದಲೇ ತಯಾರಿಸಿಟ್ಟ  ಊದುರುದುರಾದ ಅನ್ನವನ್ನು ಹಾಕಿ ಕಲಸಿಕೊಳ್ಳ ಬೇಕು.  ಕೊನೆಯಲ್ಲಿ ಕತ್ತರಿಸಿಟ್ಟ ಕೊತ್ತಂಬರಿಸೊಪ್ಪನ್ನು ಸ್ವಲ್ಪ ಉದುರಿಸಿದರೆ ರುಚಿಯಾದ ಮಾವಿನಕಾಯಿ ಚಿತ್ರಾನ್ನ ರೆಡಿ. 

ಮಿಂಚು: ಚಿಕ್ಕವರಾಗಿದ್ದಾಗ ನಮಗೆ ಯಾವಾಗಲೂ ಬೇಗನೆ ಬೆಳೆದು ದೊಡ್ದವರಾಗಬೇಕೆಂಬ ಹಂಬಲವಿರುತ್ತದೆ. ಆದರೆ, ಬೆಳೆದು ದೊಡ್ಡವರಾದಾ ಬಳಿಕ ಬಾಲ್ಯದ ಮಹತ್ವ ಅರಿವಾಗುತ್ತದೆ. ದೊಡ್ಡವರಾದ ಬಳಿಕ ನಮ್ಮ ವ್ಯಕ್ತಿತ್ವ ದಿಂದಾಗಿ ಒಡೆದ ಹೃದಯ ಮತ್ತು ಕಳೆದುಕೊಂಡ ಸ್ನೇಹಿತರಿಗಿಂತ ಬಾಲ್ಯದ ಮುಗ್ದತೆಯಲ್ಲಿ ಒಡೆದ ಆಟಿಕೆಗಳು ಮತ್ತು ಕಳೆದು ಹೋದ ಬಳಪಗಳೇ ಎಷ್ಟೋ ವಾಸಿ ಎನಿಸುವುದು.