ಮಲ್ಲಿಗೆ ದೋಸೆ

ಮಲ್ಲಿಗೆ ದೋಸೆ 

ಬೇಕಾಗುವ ಪದಾರ್ಥಗಳು:

ದೋಸೆ ಅಕ್ಕಿ   -   ಒಂದು ಕಪ್ಪು 
ಉದ್ದಿನಬೇಳೆ  -   ಅರ್ದ ಕಪ್ಪು 
ಅನ್ನ             -    ನಾಲ್ಕು ಚಮಚ 
ಅವಲಕ್ಕಿ      -    ನಾಲ್ಕು ಚಮಚ (ನೆನಸಿದ್ದು)
ಮೆಂತ್ಯೆ ಕಾಳು  -  ಒಂದು ಸಣ್ಣ ಚಮಚ 
ಉಪ್ಪು.

ಮಾಡುವ ವಿಧಾನ:

1. ಅಕ್ಕಿ, ಉದ್ದು, ಮೆಂತ್ಯೆ  2 ರಿಂದ 3  ಗಂಟೆ ಗಳ  ಕಾಲ ನೆನಸಿಡಬೇಕು.
2. ನೆನದ  ಅಕ್ಕಿ ಉದ್ದು ಮೆಂತ್ಯೆಯೋಟ್ಟಿಗೆ ಅವಲಕ್ಕಿ, ಅನ್ನ ವನ್ನು ಸೇರಿಸಿ ನಯವಾಗಿ ರುಬ್ಬಿ, ಉಪ್ಪು ಸೇರಿಸಿ 
    7ರಿಂದ 8 ಗಂಟೆಗಳ ಕಾಲ ಮುಚ್ಚಿಡ ಬೇಕು.[ ಸ್ವಲ್ಪ ಹುಳಿ  ಬರಲು]
3. ಹೀಗೆ  ತಯಾರಾದ ಹಿಟ್ಟಿನ್ನು, ಕಾಯಿಸಿದ [ಮಧ್ಯಮ ಉರಿ] ದೋಸೆ ಕಾವಲಿಯಲ್ಲಿ ಸ್ವಲ್ಪ ಎಣ್ಣೆ ಹಚ್ಚಿ, ಒಂದು ಸವಟು 
    ಹಿಟ್ಟನ್ನು ಹಾಕಿ, ಸ್ವಲ್ಪವೇ ಹರಡಿ ಮುಚ್ಚಳ ವನ್ನು ಮುಚ್ಚಿ ಕಾಯಿಸಬೇಕು.

ಸೂಚನೆ : 1. ದೋಸೆಯನ್ನು ಒಂದೇ  ಬದಿ ಕಾಯಿಸಿಯು ತಿನ್ನಬಹುದು. ಎರಡೂ ಬದಿಯನ್ನು ಕಾಯಿಸಿಯೂ  ತಿನ್ನಬಹುದು.
               ಬೇಕಾದಲ್ಲಿ ಸ್ವಲ್ಪ ಸಣ್ಣಗೆ ಹೆಚ್ಚಿದ ಟೊಮೇಟೊ, ಈರುಳ್ಳಿ ಹಸಿಮೆಣಸು ಕೊತ್ತಂಬರಿ ಸೊಪ್ಪನ್ನು 
               ಸೇರಿಸಿ ದೋಸೆ ಮಾಡಿಕೊಳ್ಳಬಹುದು.
             2. ಕಾಯಿತುರಿ ಪುಟಾಣಿ,ಹುಣಸೆ ಹಸಿಮೆಣಸು ಒಂದು ಬೆಳ್ಳುಳ್ಳಿ ಬೀಜ , ಉಪ್ಪು ಹಾಕಿ ತಯಾರಿಸಿದ ಚಟ್ನಿ 
                ಒಟ್ಟಿಗೆ ಸವಿಯಲು ಮಲ್ಲಿಗೆ ದೋಸೆ ರುಚಿಕರವಾಗಿರುತ್ತದೆ.