ಅಲಸಂಡೆ ಬೀಜ ಹಾಕಿ ಹೀರೆಕಾಯಿ ಉಸ್ಲಿ

ಅಲಸಂಡೆ ಬೀಜ   ಹಾಕಿ  ಹೀರೆಕಾಯಿ ಉಸ್ಲಿ 

                                                                                                                                                                  
                                                                                

 ಬೇಕಾಗುವ ಪದಾರ್ಥಗಳು:

ನೆನಸಿ, ಬೇಯಿಸಿಟ್ಟ  ಅಲಸಂದೆ ಕಾಳು  -   ಒಂದು ಬಟ್ಟಲು  
ಸಣ್ಣಗೆ ಕತ್ತರಿಸ್ಸಿಟ್ಟ  ಹೀರೆಕಾಯಿ   -   ನಾಲ್ಕು ಬಟ್ಟಲು
ಬೆಲ್ಲ  -ಅರ್ದ ಚಮಚ 
 ಕಾಯಿ ತುರಿ   -  ಸ್ವಲ್ಪ
ಕೆಂಪು ಮೆಣಸಿನ ಹುಡಿ - ಒಂದು ಚಮಚ
ಅರಿಶಿನ ಹುಡಿ  - ಒಂದು ಚಿಟಿಕೆಯಷ್ಟು .
ಉಪ್ಪು  - ರುಚಿಗೆ  ಅಗತ್ಯದಷ್ಟು.

ಒಗ್ಗರೆಣೆ ಗೆ :
ಎಣ್ಣೆ -   ಎರಡು ಚಮಚ
ಸಣ್ಣಗೆ ಹೆಚ್ಚಿದ ಈರುಳ್ಳಿ -  ಒಂದು
ಸಾಸಿವೆ - ಒಂದು ಚಮಚ
ಕರಿಬೇವು  - ಒಂದು ಗರಿ
ಹಿಂಗು  - ಒಂದು ಚಿಟಿಕೆಯಷ್ಟು.




ತಯಾರಿಸುವ ವಿಧಾನ :

1. ಒಲೆಯ ಮೇಲೆ ಬಾಣಲೆ ಇಟ್ಟು ಎಣ್ಣೆ ಹಾಕಿ ಕಾಯಿಸಿ, ಒಗ್ಗರಣೆಗೆ ತಿಳಿಸಿದ ಎಲ್ಲಾ  ಪದಾರ್ಥಗಳ್ಳನ್ನು  ಒಂದರ ನಂತರ ಒಂದನ್ನು ಹಾಕಿ ಒಗ್ಗರಣೆ ಮಾಡಿಕೊಳ್ಳ ಬೇಕು.
2. ನಂತರ ಬೇಯಿಸಿಟ್ಟ ಕಾಳು, ತುಂಡರಿಸಿದ ಹೀರೆಕಾಯಿ ಹಾಕಿ ಒಗ್ಗರಣೆಯಲ್ಲಿ ಬೆರಸಿಕೊಳ್ಳ ಬೇಕು.
3 ಕೊನೆಯಲ್ಲಿ  ಅರಿಶಿನ ಪುಡಿ, ಉಪ್ಪು, ಬೆಲ್ಲ, ಖಾರಪುಡಿ  ಎಲ್ಲವನ್ನು ಹದವಾಗಿ ಹಾಕಿ ಹತ್ತು ನಿಮಿಷ ಸಣ್ಣ ಉರಿಯಲಿ ಬೇಯಿಸಿದರೆ  ಅಲಸಂದೆ ಕಾಲು - ಹೀರೆಕಾಯಿ ಉಸ್ಲಿ ಸವಿಯಲು ಸಿದ್ದ.
4.ಮೇಲಿನಿಂದ ಕಾಯಿತುರಿಯನ್ನು ಉದುರಿಸಬೇಕು.

ರೊಟ್ಟಿ/ಚಪಾತಿ ಯೊಂದಿಗೆ  ತಿನ್ನಲು ಚನ್ನಾಗಿರುತ್ತದೆ.